كشفت الفنانة هند صبري عن تفاصيل تعاونها الأول مع الفنان أحمد حلمي في فيلم جديد، وصفته بالمفاجأة، وتكتمت تماما عن سرد قصته، مؤكدة أنها غير مسبوقة، وقالت: «متشوقة جدا لتجربتي مع أحمد حلمي، خاصة إنه الوحيد اللي لسه ما اشتغلتش معاه، يعني اشتغلنا أنا وكريم عبدالعزيز وأحمد عز والسقا، كمان محمد هنيدي اشتغلنا سوا في الإذاعة، وفيلمي اللي جاي معاه هيكون مفاجأة وما اقدرش أقول غير كده، أنا عمري ما قريت سيناريو زي ده، وهو عمل مش متوقع بالمرة وبعتبره أغرب فيلم اشتغلت فيه».
وتحدثت هند، خلال لقائها في برنامج «الراديو بيضحك» عن فيلم «الفيل الأزرق» وإعجاب الفنانة منة شلبي بالدور، قائلة: «منة شلبي كلمتني، وهي غارت من الشخصية اللي قدمتها في الفيلم، وده اللي بيحصل معانا كفنانين وبنعتبرها غيرة بتعلي الشغل، أنا أوقات ببقى بتفرج على أدوار وأقول الله يا ريتني مكانها، لكن بعد تفكير بنكتشف أن الدور ده مكنش هينجح غير بالفنانة اللي عملاه لأنها بتكون لائقة عليه جدا، والغيرة دي بتكون إيجابية وبتخلينا نقدم دايما الأفضل».
وتطرقت صبري عن إمكانية تقديم جزء ثالث من مسلسلها الشهير «البحث عن علا»، وأوضحت: «حتى الآن لا يوجد شيء جديد، وأنا لست من هواة العمل على أجزاء جديدة من الأعمال بشكل كبير، ولكن لا أعلم ما تخبئه السنين، علا شخصية بحبها جدا وأصبحت أنا بكل تأكيد، فقد عشت معها نجاحات عديدة، والمسلسل حقق نجاحا كبيرا».
اشترك و أضف بريك لتلقي الأخبار
طباعة المقال
ارسل إلى صديق
اضافة إلى المفضلة
حفظ الموضوع