ليس لوزير الخارجية الإيرانية #عباس_عراقجي الحق بالتدخل لاسيما في ظرف لبناني عصيب حول السلاح , ويمكن لوزير الخارجية اللبنانية صاحب العنفوان الصاخب ان يسجل اعتراضاً دبلوماسياً على هذا التدخل ,
وفي الوقت نفسه على وزير الخارجية السيادي ان يمنع أي تدخل اجنبي في شؤون لبنان..
خيي ما ” العشوات ” و ” الترويقات ” ببيوت السياسيين والنواب عم بتقرر مصير بلد وتهندس حكومات ,وتبايع قرارات..
ومجلس الوزراء نفسه عم بيناقش اليوم #ورقة_أميركية_إسرائيلية بتغيّر وج البلد ,كلو بيغمّس ايدو بلبنان وبيحطلّنا مخطط توجيهي للحكم , وممنوع ع أحزاب من هالجمهورية المفروض قوية انو تعلن مجرد ادانه لمّا #توم_برّاك دوّبنا كقطعة سما لنصير تحت حكم سوريا , لا بل شافوا بهالتصريح موال : ان ما سهرنا ببيروت بنسهر بالشام وانحرجت هالاحزاب انها تدين تفجير كنيسة بدمشق حتى ما تزّعل الجولاني..
كل يوم وكل ساعة في ” بلغصة” اجنبية عربية بمصير هالبلد المسكين, وفي ” ضابط مدري بكم نجمة .. اخدو اسمك اخدو اسمي ” ,ومسؤول خليجي عم بيقرر بلقاءات السياسيين اللبنانيين ,مين استقبل مين , ومين ودّع مين , واي حزب او جماعة لازم تعلن مسافة صفر من ” المحور “.
يلعن ابونا شو هالسيادة اللي بيسمح فيها هالمسؤول ان يقول و” يزيد” ويشوف انو عندو الاهلية ليتدخّل بالفايت والضاهر ع البيوت والمقرات وحتى بالتويتات والمنشورات على وسائل التواصل .
واذا بس وزير خارجيتنا بيستدعي فؤاد مخزومي مع كاميرات المراقبة قدام البيت بيشوف التباديع من الطالع العربي والنازل الغربي..
وكله من أجل لبنان حر مستقل .
عاش لبنان 
اشترك و أضف بريك لتلقي الأخبار
طباعة المقال
ارسل إلى صديق
اضافة إلى المفضلة
حفظ الموضوع