القاهرة ـ خلود ابو المجد
وجه الفنان تامر حسني العديد من النصائح للمواهب الراغبة في إثبات مكانتها، مؤكدا أن كل موهبة في العصر الحالي تواجه مشاعر حقد وغل وكراهية وطاقة سلبية غير طبيعية، ويجب أن نواجهها بطاقة أكبر قادرة على هزيمة الإحباط، وهو ما يحاول أن يقدمه لجمهوره من واقع خبرته الطويلة.
وأضاف تامر عبر حسابه الشخصي بـ «إنستغرام»: «نهاركم جميل زيكم، من كام يوم نزلت بوست تحفيزي ليكم عن النجاح، والحقيقة فرحت أوي من استقبالكم للبوست، وسبحان الله حسيت ناس كتير كانت مستنية تسمع كلام زي ده، يا جماعة احنا في العصر الصعب دا بنواجه كمية حقد وغل وكراهية وطاقه سلبية مش طبيعية، لازم نرد عليها بالعكس لازم يكون في طاقة أكبر بترد على كل الإحباط ده».
وتابع: «الحقيقة، أنا عندي بعض الخبرات في الحياة من خلال رحلتي المتواضعة أحب أوصلها ليكم، هحاول كل كام يوم أتناقش معاكم في موضوع أو أقترح عليكم حاجة بأعملها دايما، هبدأ بحاجة بأعملها باستمرار وعلمتها للمقربين مني ومواظبين عليها من سنين، وهي إنكم حالا تستحضرون ناسا في دماغكم بتحبوهم وتدعون لهم بأسمائهم في ظهر الغيب بكل اللي يتمنوه».
واختتم رسالته بقوله: «كل فترة نكررها ونثبتها زي ما بنثبت حاجات تانية في حياتنا مش بالأهمية دي، والله هتلاقوا تساهيل كتير حصلت مش هتعرفوا بتحصل منين، يلا بينا دعوات».
التعليقات
لارسال تعليق يرجى تعبئة الحقول الإلزامية التالية

