2026-11-20
بث مباشر
إعلان
عاجل
الفنية

منى زكي: «الصندوق الأسود» صعب

Di

Diana Ghostine

11 تشرين الاول 2020

منى زكي: «الصندوق الأسود» صعب
إعلان

قالت الفنانة منى زكي: «أنا اتخضيت لما اكتشفت إن بقالي 4 سنين بعيدة عن السينما، ومش مصدقة، أنا كان واحشني شغلي أوي في السينما، وطول الوقت كنت بدور على حاجة كويسة أشتغلها، وأهو الحمد لله عوضت غيابي وراجعة بالصندوق الأسود».

وأضافت منى، في تصريحات تلفزيونية مع الإعلامية لميس الحديدي: «أعتقد أن صعوبة الفيلم في أن معظمه معتمد على التلقائية، ومحمود كامل كان بيشجعنا نكون تلقائيين حتى في حركة الكاميرا عشان فيه عنف، فكان لازم كل حاجة تكون تلقائية».

وتابعت: «إحنا صورنا وخلصنا الفيلم من قبل ما كورونا يظهر في العالم كله، وهيتعرض الفيلم يوم 28 أكتوبر، ويا رب يعجب الناس، ويكون حاجة كويسة، وأنا مبسوطة جدا بالتعامل مع محمد فراج ومصطفى خاطر، وهما هايلين جدا، لأن لما بيكون معاكي أشخاص موهوبة بيطلع العمل بشكل كويس جدا».

واستكملت: «وقت كورونا كنا بنصور مسلسل «تقاطع طرق»، وملحقناش نعرض في رمضان، لأن كان عندنا ممثلين بره مصر، ولازم ييجوا مصر ومكنش في طيران، وبالتالي مقدرناش نكمل، فقعدت نص أزمة كورونا بشتغل والنص التاني قافلة على نفسي».

ملاحظة: نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات. إن كل ما ينشر من مقالات وأخبار ونشاطات وتعليقات، لا تعبر بأي شكل من الأشكال عن رأي الموقع الذي لا يتحمّل أي أعباء معنويّة أو ماديّة من جرّائها.

التعليقات

لارسال تعليق يرجى تعبئة الحقول الإلزامية التالية

مقالات ذات صلة