2026-11-19
بث مباشر
إعلان
عاجل
كتلة الوفاء للمقاومة تتابع من موقعها النيابي أداء وزارة الطاقة• قائد الجيش يتفقّد فوج التدخل الخامس في كفردونين: لقد أثبتّم بعزيمتكم وإيمانكم أنّ الجيش يبقى عصيًّا على الانكسار• “وضع خطة أمنية متكاملة لمواكبة فترة الأعياد”… هذا ما تم البحث فيه باجتماع امني في قصر بعبدا• ترامب خلال لقائه بوتين وشي: نحن نصنع التاريخ ولدينا الكثير لنناقشه• قادة روسيا والصين وأميركا يؤكدون وجوب عدم إشعال حرب نووية أبدا• لقاء دول العظمى في الصين : محاولة ادارة عالم لم بعد قابل للتقسيم...( د. محمد هزيمة) • مداهمات تكشف "سوقاً" متنوّعة للمخدرات.. ما الذي ضُبط؟• ملتقى التأثير المدني: كفى تعليقاً للدولة وتواطؤاً على استقلالها•
المتفرقات

بعد أكثر من 50 يوماً رن هاتف عائلة الشهيد جو نون حاملا خبراً مؤلماً

وك

وكالات

28 ايلول 2020

بعد أكثر من 50 يوماً رن هاتف عائلة الشهيد جو نون حاملا خبراً مؤلماً
إعلان

روت الاعلامية لارا سليمان نون عبر حسابها على فيسبوك حادثة مؤلمة عن الشهيد جو نون الذي قضى مع رفاقه في فوج إطفاء بيروت بانفجار مرفأ بيروت في 4 آب.


وكتبت قائلة:


“بدي خبركن شوَي عن جهنم… قصة حقيقية صارت من كم يوم…ببلد عايشين فيه بالقطعة… بالشقف… دق تلفون أهلو للشهيد البطل جو نون، قالولن إذا ممكن تتفضلو عالمستشفى… لقينا شقفة تانية من جو…


ببلد عايشين فيه بتوابيت مكشوفة… قام هالبَي المكسور وهالخَي المشقف… لبسوا تياب الموت من جديد… بدلة العرس… أخدو معن تابوت زغير… تابوت “للشقف”… ليلملمو شقف قلبن وروحن يلّي بِقيوا… بَي… من ٥٠ يوم دفن قطعة من إبنو… واليوم إجا وقت يدفن تاني قطعة…


التابوت الزغير ما ساع… ما ساع كل أوجاع الدني يلي اختصرتن هاللحظة… وبسيارة الإسعاف لفلفو روحن… ودقو للأبونا… وقامت هالإم عم تتحضر لعرس جديد… لمدفن رح ينفتح من جديد…


وعالطريق… رجع شريط العمر… والعيلة… والولاد يلّي عم يلعبو تحت القصف… وبالملجأ… رجع شريط العمر… أبطال جهنم ذاتن… نفس الوجوه… وبعدا التوابيت البيضا عم تمر قدامن كأنها قطعة حلاوة بالجبن عم يتلذذوا بأكلا…


رجع شريط العمر… وبالروح بالدم نفديك يا شيطان… وملايكتنا عم نركض عالطرقات وعالمستشفيات نفتش على فردة صباطن…


رجع شريط العمر… ووصلت سيارة الإسعاف عالمدفن وراها البَي والإم والخَي والاخت وكل مين عرف من الضيعة… وقف البَي وتطلّع بالأبونا والدمعة عم تحرق عيونو حرق… وقف البَي وكنت عم بقرا كلماتو من بعيد… بعيد كتير… ورا دَخنة البخور وصوت التراتيل المخنوقة…


“عمول اللازم يا ابونا… قلبي صار جوا بالمدفن… اتركني راكض لملم شو باقي من ريحتو”.


ملاحظة: نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات. إن كل ما ينشر من مقالات وأخبار ونشاطات وتعليقات، لا تعبر بأي شكل من الأشكال عن رأي الموقع الذي لا يتحمّل أي أعباء معنويّة أو ماديّة من جرّائها.

التعليقات

لارسال تعليق يرجى تعبئة الحقول الإلزامية التالية

مقالات ذات صلة