رغم انشغال الفنان تامر حسني بتوعية جمهوره من مخاطر فيروس كورونا واستغلال حساباته على «السوشيال ميديا» لحثهم على البقاء في منازلهم، إلا أنه عبر مؤخرا عن غضبه الشديد من شخص ينتحل صفته.
وكتب حسني من خلال صفحته على «فيسبوك»: «يا جماعة معلش هو مش وقته بس في شخص فاضي بيكلم الناس وبيقلد صوتي».
وأضاف: «معلش خلوا بالكم عشان هو شكله فاضي بزيادة وبيكذب وعمال يغني ويبعت إهداءات وللأسف في ناس مصدقاه وفاكرينه أنا». وتابع: «التوضيح.. أنا مبتكلمش على أي برامج ولا ابليكيشن، ولا اي حاجة خاصة، غير البوست اللي بانزله على صفحتي أو حسابي الخاص.. وحالا الشخص الكداب ده، بيحصل معاه إجراء قانوني مكنش نفسي اعمل كدا.. بس دا انتحال شخصية».
وكان تامر قد أعلن منذ فترة عن إلغاء جميع حفلاته المقبلة، وقال: «حرصا على السلامة العامة للمجتمع، وتماشيا مع الإجراءات الاحترازية لجمهورية مصر العربية بوقف كافة الحفلات والتجمعات، باشكرهم كل الشكر على هذا القرار السليم حرصا على مصلحة الناس».
التعليقات
لارسال تعليق يرجى تعبئة الحقول الإلزامية التالية
