تداولت صفحات إلكترونية على منصّات التواصل الإجتماعي تصريحاً منسوباً إلى الممثلة نادين نسيب نجيم مفاده ان "تمثيل كاريس بشار جيّد لكنّها ليست من الصفّ الأوّل بالتمثيل".
ونفت نادين نسيب نجيم التصريح المنسوب إليها مُهدّدةُ باللجوء للقضاء، فكتبت "يا عيب الشوم! لهون وصلت فيكم الحقد والكره أنكم تنشروا عن لساني تصريحات انا مني قايلتها وأصلاً منه أسلوبي".
وأردفت نادين نجيم قائلةً "انا رح ارفع دعوى لأنه للصبر حدود. عم تكذبوا عن لساني وبكل ثقة كمان، وناشرين هالكلام على كل الصفحات وبكل ثقة! وين التصريح وين نقال هل حكي يا كذابين؟".
وأعربت نادين نسيب نجيم عن صدمتها من محاولة أذيتها، فتساءلت "على شو كل هالشي لأنه عم بشتغل ولأنه السوريين بيحبوني وبحبهم؟ بعد في شي حدا ما راشقني بحجارة؟ بعد في شي حدا ما كذب عن لساني؟ شو عم بيصير شو هالشر كله حواليي عنجد كتير مصدومة".
وحسمت نادين نجيم الجدل بالقول "كاريس بشار وجميع زملائي النجوم بحترمهم وما بحكي عن حدا ولا بعطي رأيي بحدا! ويلي عم يقول انا قلت هيك يتفضل يفرجينا التصريح او يسكت للأبد ويعتذر! بلا أخلاق وبلا ضمير".
التعليقات
لارسال تعليق يرجى تعبئة الحقول الإلزامية التالية
